Перински во Ѓорче Петров: Инвестициите во патната инфраструктура значат надминување на сообраќајните предизвици во сите единици на локалната самоуправа

March 14, 2025
1 min read

Во рамки на теренските посети „Каде што срцето е дома“, министерот за локална самоуправа, Златко Перински заедно со претседателот на Владата, Христијан Мицкоски, министерот за транспорт, Александар Николоски и градоначалникот Александар Стојкоски, денеска извршија увид на градежните активности за пробивање на улицата „Социјалистичка зора“ во Ѓорче Петров.

Ова е еден од седумте проекти кои Општината ќе ги реализира со средства од првиот владин јавен повик за поддршка на општините и предвидува изградба на нова улица која ќе ги поврзе улиците „Социјалистичка зора“ и „Сремски фронт“ со што ќе се подобри сообраќајната врска на локалното население со главната улица „Ѓорче Петров“ која е клучна сообраќајница за излез од Скопје кон скопската обиколница, Тетово и други дестинации.

Градоначалникот Стојкоски истакна дека станува збор за проект од исклучително значење на општината и појасни дека практично станува збор за изведба на целосно нова траса во должина од околу 180 м, со нов коловоз, нови пешачки патеки и тротоари, а комплетно ќе биде реконструирана подземната инфраструктура.

„Не само декларативно, туку и суштински сме поставени како пријатели и партнери кон локалните самоуправи, заради тоа што сме цврсто убедени дека не може да има силна држава доколку нема силни локални самоуправи. Јас се надевам, но и убеден сум дека Ѓорче Петров како и сите останати други локални самоуправи, за многу кратко време ќе бидат многу поубаво место за живот“, истакна министерот Перински кој изрази јавна благодарност до градоначалникот Стојкоски за неговата проактивност за учество на Општината на владините повици за поддршка на општините за инфраструктурни проекти.

„Македонија сега се гради. Таа седум години се разградуваше, уништуваше, се понижуваше, омаловажуваше, нешто што сега е поинакво“, кусо изјави премиерот и ги охрабри локалните власти да продолжат да работат со истиот интензитет.

ИЗВОР: kurir.mk

MARKETING

MARKETING

Претходно

СДСМ најави кривична пријава против пратеничката Салиу-Фетаи

Следно

Нови детали за децата од „куќата на ужасот“ во Брчко, некои се родени во Рим и во Барселона

Latest from Blog

Мицкоски во Општина Студеничани: Поставување на камен темелник на реконструкција на локален пат

Од Влада на Република Македонија информираат дека утре 15.03.2025 година (сабота) претседателот на Владата на Република Македонија Христијан Мицкоски во рамки на кампањата „Каде што срцето е дома“ во организација на Министерството

Судот ја прифати жалбата на ОЈО ГОКК и Асмир Јахоски Пуцко Петрол е спроведен во притвор

Асмир Јахоски попладнево е спроведен во притвор откако претходно судот ја прифати жалбата од ОЈО ГОКК. Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење

Медарите од охридскиот регион се жалат на нелојална конкуренција

Нелојалната конкуренција и климатските промени се повеќе го намалуваат производството на мед во земјава. Во услови на намалено производство расте продажната цена што создава револт кај купците па се почесто граѓаните купуваат

У15: Втор пораз на македонските фудбалери од Хрватска

Македонската фудбалска репрезентација до 15 години претрпе нов пораз со 3:0 од соодветната селекција на Хрватска во рамки на втората контролна средба одиграна денеска на тренинг центарот „Петар Милошевски“ во Скопје. Хрватска
Go toTop