Шпанскиот фудбалски стратег Пеп Гвардиола е повеќе од осум години на клупата на Манчестер Сити, со кој успеа да освои сè што можеше да се освои на клупски план, поради што во последно време се повеќе се шпекулира дека му е преку глава од работата во синиот дел на Манчестер.
Гвардиола конечно донел одлука околу својата иднина, а англиските медиуми денес пишуваат дека тој ќе остане во Манчестер Сити.
Се појави информација дека Гвардиола им рекол на челниците на Сити дека ќе остане, но дека нема да го потпише договорот што неодамна му го понудиле.
Сити на Гвардиола му понудил повеќегодишен договор со уште поголема плата, но Гвардиола одбил и рекол дека ќе потпише продолжување на соработката под еден услов, а тоа е договорот за англискиот клуб да го обврзува до летото 2026 година.
Тоа значи дека Пеп одлучил и следната сезона да остане во Манчестер Сити, а потоа да го напушти „Итихад“.
Извор: kurir.mk
