Партијата на пензионери изразува категорично противење на можноста за укинување на бесплатниот градски превоз за пензионерите во Скопје. Тие ја нагласуваат важноста на оваа мерка како значајна поддршка за пензионерскиот стандард, особено во услови на економски предизвици.
„Бесплатниот јавен превоз не само што го олеснува секојдневието на пензионерите, туку има и поширок позитивен ефект врз животот на учениците и студентите во главниот град,“ изјавуваат од партијата.
Партијата апелира до Владата и Советот на Град Скопје да ги анализираат сите аспекти на ова прашање и да продолжат со праксата која досега донесе многу придобивки за граѓаните.
„Грижата за пензионерите, младите и сите жители на Скопје е основна обврска на политичките субјекти и значајна долгорочна инвестиција,“ порачуваат од партијата, повикувајќи на сплотеност и одговорност во донесувањето одлуки.
ИЗВОР: racin.mk
