Да се спаси бродот кој тоне или да се нахрани суетата по поразите на изборите? Кој е мотивот, засега, не е познато, но едно е сигурно – екс претседателот на Македонија, Стево Пендаровски, не ја крие амбицијата за најудобната фотелја на Бихаќка, претседателската.
Венко Филипче и повеќе од сигурно ќе се соочи со голем пораз на претстојните локални избори закажани за есенва. Рејтингот на СДСМ како партија е минимален, членството веќе на парламентарните и претседателските избори им покажа црвен картон. Поразот кој ќе го доживеат и градоначалниците ќе ја размрда опозиционата партија, па на барање на веќе разочараното членство некој ќе мора да ги преземе работите во свои раце, кога Филипче веќе покажа дека нема капацитет за ваква функција.
Следејќи ги политичките настапи на актуелниот и минатите лидери и функционери од СДСМ, поранешниот претседател на државата Пендаровски се наметнува во трката за нов лидер на партијата. Тој вчера се огласи со повеќе цели, а главната очигледно му била да излезе во преден план, а со тоа да го спинува Филипче и неговиот настан во Струмица.
Од таму, првиот човек на СДСМ испрати многу политички пораки, но Пендаровски го „поклопи“ кон крајот на денот.
Пендаровски долго молчеше, па ако ја нема оваа амбиција, можел да избере било кој друг ден за обраќање, а не оној во кој Филипче држи ваков говор. Сето ова си носи своја порака, како што е сосема јасно зошто Филипче од толку градови во Македонија одлучи вчерашниот настан да го има токму во Струмица.
Со тоа покажува дека логистика му дава Заев. Затоа се зборува дека му е верен следбеник и продолжена рака на екс-премиерот и градоначалник на Струмица, а не самостоен лидер. Тоа членството го гледа.
Со внимание сигурно ги следи и Пендаровски кој си ја крои својата идна политичка функција како претендент да му ја размрда фотелјата на актуелниот прв човек.
ИЗВОР: kurir.mk
