Патнички воз се излизга од шините на линијата Зајечар-Неготин, нема повредени

Според извештаите, на станицата Трнавац патнички воз кој сообраќал од Прахов кон Зајечар додека тргнувал од третата пруга со една од оските излетал од шините

Патнички воз денеска околу 11 часот се излизгал излетал од шините на линијата Зајечар – Неготин кај селото Трнавац во источна Србија, јави Радио телевизија Србија (РТС).

Според српскиот национален сервис во инциднетот нема повредени, а надлежните за железничката инфраструктура на Србија соопштиле дека немало прекини во сообраќајот.

Според извештаите, на станицата Трнавац патнички воз кој сообраќал од Прахов кон Зајечар, додека тргнувал од третата пруга, со една од оските излетал од шините.

„При ова излетување од шините нема повредени, нема превртени вагони или оштетување на пругата, а железничкиот сообраќај на оваа делница не е во прекин“,

навеле надлежните служби.

На местото веднаш бил упатен помошен воз за расчистување на последици од вонредни настани, со цел возот што поскоро да се врати на шините.

Во последните неколку месеци имаше неколку излизгувања на возови од шините во Србија, од кои најголеми проблеми предизвика превртувањето на вагон-цистерните со амонијак кај Пирот.

Инцидентот кај Пирот се случи на 25 декември поради што над 50 лица беа хоспитализирани поради симптоми на труење, а на жители на околните населени места им беше сугерирано да не ги напуштаат своите домови.

На 27 јануари оваа година, пак две вагон-цистерни со фосфорна киселина се излизгаа од шините во градот Зајечар во источна Србија. Двете цистерни кои се излизгаа беа дел од товарен воз кој има дванаесет вагони, а се излизгаа осмиот и деветтиот вагон од локомотивата.

Три дена претходно на 24 јануари три вагон цистерни со пропилен (гас што најчесто се користи како гориви) излеатаа од шините во близина на Суботица, на северот на Србија.