Пандов: Пробацијата ќе помогне за пренатрупаноста во затворите, а повеќе затворски полицајци за безбедноста

November 29, 2024
2 mins read

Пренатрупаноста и безбедноста се главните проблеми во 12-те македонски затвори. За пренатрупаноста многу може да помогне пробацијата, а за безбедноста – зголемениот број затворски полицајци, рече директорот на Управата за извршување санкции Александар Пандов кој учествуваше во работилницата во Прилеп за важноста на пробацијата или изрекувањето условни казни со заштитен надзор.

На дебатата што се одржа во Прилеп судии, претставници од пробациски канцеларии, невладини организации од Здружението на млади правници на Македонија дебатираа на темата „Условен отпуст, електронски надзор и третманот во функција на успешна ресоцијализација и реинтеграција на осудените лица“.

Пандов смета дека за пренатрупаноста во затворите многу ќе помогне пробацијата и го најави воведувањето на алките во почетокот на наредната година.

-Распишан е и во тек е тендерот за алките и, конечно, јас дефинитивно сум оптимист дека во почетокот на наредната година, јануари, или евентуално февруари, ние дефинитивно алките ќе ги имаме како дополнителен инструмент со кој, и со пробацијата и заштитниот домашен затвор, огромен број осуденици нема да бидат во затворите, изјави Пандов.

Пандов не е задоволен од безбедноста во затворите во кои во моментов се 2 170 осуденици, 220 се „во бегство“ и околу 350 се во притвор. Најави дека ќе се зголеми бројот на затворските полицајци.

-Иако има некои исчекори, јас не сум задоволен до крај до каде сме стигнати и тука има многу простор за подобрување. Но мора да посочам: ако европски стандард е да имаме два затвореника на еден затворски полицаец, кај нас соодносот е 4 спрема 1. Некаде и 6 спрема еден. В година ќе се зголеми бројот на затворските полицајци што ќе влијае на безбедноста, рече Пандов.

Речиси само скопските судови имаат искуство со изрекување условни казни што би ја унапредило пробацијата. Се бара тоа да го прават и колегите во другите судови во земјава.

-Апсолутно се согласувам дека еден од начините, можеби еден од главните начини за растоварување на затворите е носењето условни осуди со заштитен надзор, односно, условни отпусти со заштитен надзор. Условни осуди се изрекуваат, меѓутоа не ги даваат доволно очекувањата во насока на ресоцијализација на осудените лица намалување на рецидивизмот, а со тоа автоматски намалување на затворската популација и затворската пренатрупаност. Тоа е така зашто со обичната условна осуда немаат никакви обврски. За ефективноста на пробацијата е и овој караван со кој почнуваме од Прилеп, зашто, не само во Прилеп, туку и во другите градови, со 0,1 или 0,2 проценти годишно се изрекуваат условни казни со заштитен надзор, изјави Билјана Коцевска, судија во Основен кривичен суд во Скопје.

Од здружението на млади правници ја нагласуваат улогата на општините во ресоцијализацијата на осудениците.

– Општините се многу битни и само преку невладини организации, пробациски канцеларии и преку изрекувањето условни осуди со заштитен надзор нема да се случи тие да ги повторуваат дејствата, рече Ирена Здравкова од Македонското здружение на млади правници.

Прилепската невладина организација „Станица П:Е.Т.“ две години го спроведува проектот „Воспоставување услуги во заедницата за поддршка на ресоцијализација и реинтеграција на поранешни осуденици”, поддржан од Европска Унија. Веќе имаат резултати и интерес кај бизнис-секторот за нивни вработувања.

-Веќе триесет осудени лица беа обучени за меки вештини, беа склучени пет меморандуми за соработка со локални институции и два со бизнис-секторот. Ефектите се забележливи зашто поранешни осудени лица се вработени и успешно реинтегрирани во општеството, рече Христина Здравеска од невладината „Станица П.Е.Т.“

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Пронајден починат маж во својот дом во Кисела Вода, телото предадено на обдукција

Следно

ОН: Над 60 милиони жени и девојки принудено раселени се соочуваат со висок ризик од родово насилство

Latest from Blog

Ѓурѓај: На Конгресот на ФУЕН ќе бараме унапредување на правата на Македонците во Албанија

Македонското друштво “Илинден“-Тирана потврдувајќи го учеството на Конгресот на Федералната унија на европски националности (ФУЕН) најави дека ќе предложи Резолуција за унапредување на правата на Македонците во Албанија. Годинашниот 69. Конгрес на

Меџити: Акредитирани лаборатории го мерат воздухот по пожарот во Трубарево

Министерот за животна средина и просторно планирање Изет Меџити, денеска на прес-конференција рече дека фирмата во која настана пожар во Трубарево имала важечка дозвола за рециклирање на отпад, и дека се мери

Македонија U18 славеше во Бугарија – Индонезија совладана со 1:0

Македонската фудбалска репрезентација до 18 години оствари победа од 1:0 против селекцијата на Индонезија на контролниот натпревар одигран во Банско, Бугарија. Стрелец на единствениот погодок беше Иван Танчев, кој уште во првото

Експлозив поставен пред хотел во Драч, полицијата изврши контролирана експлозија

Торба, во која имало експлозивна направа со далечински управувач била оставена во близина на влезот на хотелот, до градската гимназија, предизвикувајќи паника кај граѓаните и туристите во областа. По дојавата, полицијата веднаш
Go toTop