КАНБЕРА (АА) – Заедничката американско-австралиската воена вежба привремено е прекината откако се урна австралиски хеликоптер, известува Анадолу.
Австралискиот министер за одбрана, Ричард Марлс, објави дека хеликоптер од типот МРХ-90 Тајпан, кој учествувал во заедничката вежба, се урнал во текот на ноќта во близина на островот Хамилтон.
Марлс истакна дека продолжува потрагата по четири члена на екипажот на хеликоптерот.
Тој напомена дека спасувачкиот хеликоптер ги нашол остатоците од леталото во близина на островот Дент.
Министерот Марлс додаде дека вежбата е привремено прекината поради несреќата и изрази благодарност до САД за поддршката во напорите за пребарување и спасување.
Оваа година 13 држави и над 30.000 војници учествуваат во вежбата „Талисман сабја“, која на секои две година ја организираат САД и Австралија.
Извор: www.aa.com.tr
