Пандемијата и појавата на работа од далечина и флексибилни работни места – проследено со „враќањето во канцеларија“ – исто така го променија начинот на кој го доживуваме стресот на работа и во одредени улоги.
Не е изненадување што кариерите во војската и секторот за јавна безбедност се сметаат за едни од најстресните работи. Од друга страна, работните позиции кои дозволуваат помалку интеракција или повеќе позитивни интеракции обично се помалку стресни. Продолжете да читате за нашите листи на најстресни и најмалку стресни работни места, како и совети за справување со стресот на работа.
Најстресни работни места
Иако повеќето работни места вклучуваат одредено ниво на стрес, овие се 10 од најстресните:
-Воен персонал
-Полициски службеник
-Пожарникар
-Социјален работник
-Водител/емитер
-Новинар во весник
-Итeн диспечер
-Советник за ментално здравје
-Анестезиолог
-Медицинска сестра на итна помош
Повеќето високо-стресни работи денес вклучуваат честа интеракција со јавноста. Многу од овие јавни служби бараат поединците да носат брзи одлуки кои можат да влијаат врз животите на многу луѓе. Додека здравствените професии отсекогаш биле стресни, ефектите од пандемијата создадоа уште поголем притисок врз вработените во овој сектор. Иако САД ја надминаа кулминацијата на ковид-кризата, за некои работници и понатаму остануваат долгите работни часови, зголемениот стрес и секојдневната борба со безброј непознати фактори.
Најмалку стресни работни места
Иако повеќето работни места вклучуваат одредено ниво на стрес, овие се 10 од најмалку стресните:
-Масер
-Фризер
-Библиотекар
-Уредувач на дворови/градинар
-Ортодонт
-Арт директор
-Ерготерапевт
-Техничар за медицинска документација
-Веб-развивач
-Оператор за внесување податоци
За разлика од најстресните професии, овие обично вклучуваат помалку јавни интеракции или поинаков тип на комуникација. На пример, луѓето обично со задоволство посетуваат масер или фризер, што создава попријатни средби во текот на работниот ден.
Иако професиите како ортодонт или ерготерапевт спаѓаат во здравствениот сектор, нивното темпо е поспокојно и дозволува подобар баланс меѓу работата и приватниот живот. Исто така, многу од најмалку стресните работи им овозможуваат на работниците да се фокусираат на своите задачи без преголема интеракција со други лица во текот на денот, што го прави работниот ден полесен.
Што прави една работа стресна?
Не е секогаш во прашање само ризичната природа или честата јавна интеракција – постојат и други причини за висок стрес и исцрпеност:
-Рокови
-Работа под јавен надзор
-Конкуренција
-Физички барања
-Емоционални барања
-Работни услови
-Опасности на работното место
-Недостаток на контрола
-Правни ризици
-Ризик по сопствен живот
-Ризик по животот на друго лице
-Контакт со јавноста
-Голем обем на работа
-Ниски плати или недостаток на можности за напредување
Лошо раководство
Иако водителите и новинарите не се соочуваат со физички опасности како полицајците или пожарникарите, тие мора да исполнуваат строги и постојани рокови, што е значаен извор на стрес. Дополнително, оние што работат во медиумите често се соочуваат со страв од тужби и намалување на бројот на работни позиции, што дополнително ја зголемува нивната анксиозност.
Многу од најстресните работи се клучни за општеството, влијаат на безбедноста и правдата локално и глобално. Додека полицајците и војниците нè штитат, новинарите и водителите имаат задача објективно да ја пренесат суштинската вест што може да влијае врз секојдневниот живот на луѓето. Тие можат да бидат омаловажувани заради својата работа или – уште полошо – јавно изложени на начин што може да им наштети.
Други извори на стрес на работа
Микроменаџмент
Кога секоја одлука или имејл мора да биде проверен од надреден, тоа одзема многу време и ја поткопува вредноста на вработениот.
Дистракции
Мали прекини, како одговарање на порака или разговор со колега, ја намалуваат продуктивноста и ја зголемуваат анксиозноста.
Недостаток на комуникација и повратни информации
Ако шефот не дава јасни повратни информации, работниците постојано се грижат дали добро ја извршуваат својата работа.
Ниски плати и немање можности за напредување
Постојаниот финансиски притисок и чувството дека не се вреднувани доведува до безнадежност и депресија.
Современи трендови во работната средина
Економските промени и технолошкиот напредок создадоа нови извори на стрес. Пандемијата ја трансформираше концепцијата на работа од дома. Иако има придобивки, тоа може да предизвика чувство на изолација и намалена социјална поврзаност.
Слично, напредокот на вештачката интелигенција носи и користи и стравови. Недостаток на вештини за работа со АИ може да предизвика чувство на несигурност или страв од губење на работното место.
Извор: vecer.mk
