Министерот за здравство Фатмир Меџити денеска заедно со претседателот на Република Македонија Стево Пендаровски беа во работна посета на Клиничката болница во Тетово. Целта на посетата беше отворањето оддел за онкологија, како и промоција на реновираниот оддел за радиологија и конференциската сала.
Меџити истакна дека во рамки на установата, досега функционираше само онколошката амбуланта, а како новитет со новиот оддел се стремиме да ја растовариме гужвата и фреквенцијата на пациенти на Клиниката за онкологија.
Покрај подобрувањето на инфраструктурата, болницата е опремена и со два рендген апарати и мамограф со можност за стереотакса и дензитометрија, обезбедени од Министерство за здравство, рече Меџити.
Тој посочи дека како министер за здравство и долгогодишен лекар, заедно со тимот се фокусирани на подобрување на болничките услови на пациентите со комплетно нови опремени соби и современа медицинска опрема.
Со тоа создаваме и соодветни услови за работа на здравствениот кадар, кои со својата несебична заложба и истрајност низ годините покажаа дека се целосно посветени во грижата и третманот на пациентите. Упатувам голема благодарност до директорот д-р Илир Демири за одличното менаџирање на здравствената установа, за вложувањето во подобрување на условите за работа и престој во болница, како и за инвестирање во медицинскиот персонал, изјави Меџити.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
