Сите заинтересирани граѓани преку апликацијата „Отворен кабинет“ на веб страницата на Министерството за здравство (www.zdravstvo.gov.mk) имаат можност да закажат 15-минутна средба со министерот за здравство Азир Алиу, секој петок – почнувајќи од 4 јули. Термините за средби се од 10 до 15 часот, велат од Министерството за здравство.
„Овој временски период ќе биде резервиран од министерот Алиу за директни средби со граѓани, пациенти, здруженија на болни, здравствени работници и други заинтересирани страни.
Средбите се одржуваат во просториите на Министерството за здравство. Со ова здравство ќе биде поблиску до граѓаните, поорганизирано, потранспарентно и технички поврзано“, велат од министерството.
ИЗВОР: ТВ 21
