ЈКП „Комуналец“ – Битола, во соработка со „Нискоградба“ и ЈП „Стрежево“, изминативе денови започна акција за чистење на диво формирани мини депонии низ повеќе локации во општината.
Според надлежните, депониите се резултат на несовесно однесување на дел од граѓаните, а акцијата има цел да се отстранат овие жаришта на отпад и да се подобри хигиената во урбаните и руралните средини.
Локалните власти апелираат до жителите да го чуваат јавниот простор и отпадот да го одлагаат на соодветни места, со цел да не се дозволи повторно создавање на диви депонии.
