ИСТАНБУЛ (АА) – Отповиканиот претседател на Јужна Кореја, Јун Сук Јеол, денес одби да присуствува на првото сослушување за неговото судење во Уставниот суд за краткотрајниот обид за воведување воена состојба минатиот месец, пренесува Анадолу.
Сослушувањето за импичментот на Јун заврши за само четири минути поради отсуството на претседателот, објави сеулската новинска агенција „Јонхап њуз“.
Следното сослушување е закажано за четврток и ќе продолжи дури и ако Јун повторно одбие да присуствува.
Јун (63) беше должен да присуствува на првото од петте усни сослушувања пред највисокиот суд во однос на неговата одлука за воведување воена состојба од 3 декември.
Тој се соочува со судење откако на 14 декември во Парламентот беше поднесен импичмент. Моментно престојува во официјалната резиденција во главниот град Сеул и одбива да одговори на поканите од истражителите.
Највисокиот суд има рок од шест месеци да одлучи дали ќе ја потврди или отфрли одлуката за импичмент на Парламентот.
Јун е суспендиран од должностите, а државните работи ги извршува вршител на должност претседател од неговиот кабинет.
Во меѓувреме тим од антикорупциски службеници и полицијата побара од претседателската служба за безбедност и Министерството за одбрана да не ги спречуваат во вториот обид да го приведат Јун, кој се соочува со обвиненија за бунт и предавство.
Околу 200 припадници на неговото обезбедување и Министерството за одбрана го спречија приведувањето на Јун на 3 јануари.
Сепак, судот го продолжи налогот за апсење, а истражителите се решени да го приведат Јун.
Извор: Anadolu Agency (AA)
