Островот на школките во Сенегал ги води посетителите на патување низ времето

ДАКАР (АА) – Сместен во југозападниот дел на Сенегал, „островот на школките (Ile aux coquillages) на своите посетители им нуди патување низ времето, јавува Анадолу.

Џоал Фадиут е мало гратче сместено на западниот брег на Сенегал, 120 километри јужно од Дакар, а поради својата уникатност и убавина претставува едно од најинтересните туристички дестинации во Африка.

Градот се состои од копнениот дел Џоал и рибарскиот остров Фадиут, кои се поврзани со дрвен мост долг 400 метри.

Речиси 40.000 жители на тој град главно се занимаваат со риболов и туризам, и иако христијаните го сочинуваат мнозинство, 90 отсто од популацијата, градот е познат по својата мултикултуралност и мултирелигиска солидарност.

За соживотот на различните култури и религии во Џоал Фадиут најдобро говорат и единствените гробишта во Африка каде што христијаните, муслиманите и припадниците на другите религии се закопуваат едни покрај други.

Островот Фадиут е единствен во светот и по тоа што е речиси целосно е покриен со школки, па затоа често го нарекуваат и „остров на школките“.

Вкусните школки се специјалитет на локалната кујна, а тврдиот оклоп од школките локалното население го користи како материјал за градење плочници, ѕидови, надгробни споменици и се останато.

Гратчето е и родното место на првиот сенегалски претседател по стекнувањето независност во 1960 година, Леополд Серад Сенгор.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.