Основачот на Телеграм Дуров е приведен на аеродромот во Франција

АНКАРА (АА) – Павел Дуров, основач и главен извршен директор (ГИД) на апликацијата за пораки Телеграм, бил приведен на аеродром во Франција, каде што дошол од Азербејџан со приватен авион, известува Анадолу.

Според веста што ја објави француската телевизија TF1, базирана врз анонимен извор, Дуров, кој ја напуштил Русија по почетокот на војната во Украина и почнал да живее во Обединетите Арапски Емирати (ОАЕ), бил приведен на аеродромот Бурже, во близина на главниот град Париз.

Додека сѐ уште не е позната причината зошто е приведен Дуров, се тврди дека имало налог за негово приведување во Франција.

Приватниот авион со Дуров, чие богатство се проценува на приближно 15 милијарди долари, полетал од Азербејџан.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.