Со голема чест и одговорност, Орце Ѓорѓиевски денес ја поднесе својата кандидатура за градоначалник на Скопје пред Државната изборна комисија (ДИК).
Во обраќањето до граѓаните, Ѓорѓиевски истакна дека ова е почеток на заедничката борба за достоинствено, модерно, чисто и живо Скопје. Тој изрази благодарност до својата матична партија, претседателот Христијан Мицкоски и сите граѓани кои веруваат во подобра иднина за градот.
„Подавам рака на сите кои го сакаат Скопје како свој дом, за да го направиме симпатично, пристојно и убаво место за живеење за сите генерации“, порача Ѓорѓиевски, повикувајќи на единство и заедничка работа за развојот на главниот град.
