Во рамките на БИТФЕСТ, во просториите на Државното музичко училиште во Битола се одржа настан под наслов „Звучна оставнина – од традиција до уметност“, со кој официјално започна изучувањето на нов образовен профил – Традициски играч-пејач.
Смерот е единствен од ваков вид во регионот и претставува значаен чекор во зачувувањето и пренесувањето на македонската традиционална музика и игра на младите генерации.
Со воведувањето на овој образовен профил, Битола станува центар на културна и музичка иновација, а воедно се обезбедува континуитет на македонската нематеријална културна оставнина, која е суштински дел од националниот идентитет.
