Пријателскиот натпревар во СРЦ „Кале“ меѓу ТФТ Скопје и Чаир 2030 не го дочека својот крај, откако дојде до скандал и прекин поради физичка пресметка.
По една ситуација тренерите на двата тима Боро Смилковски и Ерхан Рамадан влегоа во дискусија. Тоа ги зовре страстите на трибината, дел од навивачите на Чаир почнаа да му довикуваат на противничкиот тренер и му се закануваа.
Тогаш во ситуацијата се вмеша најискусниот во таборот на ТФТ, Едис Нури, по што дојде и до физичка пресметка.
Мешаницата на трибините ескалира и се разменија удари, а потоа ситуацијата се смири. Натпреварот беше прекинат и не се доигра до крај, иако имаше останато уште околу две минути.
Извор: kurir.mk
