Опозицискиот курдски политичар Кедо нема никакви информации за братот киднапиран од терористите на ПКК/ЈПГ во Сирија

ХАСЕКА (АА) – Опозицискиот курдски политичар Абдула Кедо изјави дека нема никакви информации за братот кој е киднапиран од терористите на ПКК/ЈПГ во градот Хасека во Сирија, јавува Анадолу.

Абдула Кедо е еден од претставниците на Курдскиот национален совет (ENKS), чадор-организација на опозициските Курди во Сирија.

Овој курдски политичар од 15 јуни нема никакви информации за неговиот брат близнак Фетула Кедо, кој е со срцево заболување, откако е киднапиран од тeрористите на ПКК/ЈПГ во квартот Камишли во Хасека.

Абдула Кедо за агенција Анадолу изјави дека терористичката организација ПКК/ЈПГ продолжува да киднапира новинари, политичари и активисти во североисточна Сирија.

Тој истакна дека сѐ уште не знаат ништо за судбината на неговиот брат близнак Фетула, кој го киднапира терористичката организација ПКК/ЈПГ на 15 јуни 2024 година.

„Само во 2024 година, девет медиумски работници, политичари и активисти, меѓу кои и мојот брат близнак Фетула, беа одведени во затворите на ПЈД и нивната судбина сè уште не е позната“, рече овој политичар.

Изјави дека неговиот брат има 60 години и дека има срцеви проблеми.

„Неговото семејство во Камишли нема добиено никакви вести од него по киднапирањето“, рече тој.

Тој ги повика Соединетите Американски Држави (САД), кои ја поддржуваат терористичката организација ПКК/ЈПГ, да побараат итно ослободување на затворениците.

Терористичката организација ПКК/ЈПГ во североисточна Сирија се обидува да ги заплаши опозициските Курди и Арапите со примена на различни притисоци во регионите што ги зазеде.

Опозицискиот курдски политичар Фетула Кедо е роден во 1964 година во населбата Камишли во Хасека. Дипломирал на Институтот за медицинска радиологија, оженет е и е татко на шест деца.

ПКК е сепаратистичка терористичка организација која се наоѓа на листата терористички организации во Туркије, Европската Унија и Соединетите Американски Држави (САД). За време на повеќедецениската терористичка кампања против Туркије терористите на ПКК убија најмалку 40.000 луѓе. Сирискиот огранок на ПКК е ЈПГ.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.