ДУИ, партијата коај буквално и фигуративно му седеше на глава на обвинителот за борба со организиран криминал, сега наеднаш се сети дека премиерот Мицкоски не бил обвинител. Во страв дека конечно ќе одговараат за криминалот, од Мала Речица порачаа:
„Премиерот не е обвинител, ниту има право да ја злоупотребува својата позиција за политичка борба. Овие постојани закани се незаконски и покажуваат ароганција, која е знак за неговата несигурност. Владеењето базирано на страв и манипулација не може да биде стандард во нашата демократија. Доколку премиерот навистина е искрен во борбата против корупцијата, тој би го прифатил нашиот повик за независен и меѓународно посредуван процес на ветинг, кој ќе ги опфати сите партии и политичари, вклучувајќи го и него самиот.“ велат од партијата на Ахмети.
Јавноста, пак, го чека првиот функционер на ДУИ кој ќе одговара за криминал, прв во минатите 22 години. Артан, Муса, Али, Пуцко, кој ли ќе биде тој, ова е главната дилема на македонската јавност.
ИЗВОР: kurir.mk
