КИГАЛИ (АА) – Повеќе од 600 луѓе се убиени од страна на вооружени групи во текот на последните три месеци во немирното источно подрачје на Демократска Република Конго, соопшти денес помошничката на генералниот секретар на Обединетите нации (ОН) за Африка, Марта Поби, известува Анадолу.
Обраќајќи се пред Советот за безбедност на ОН, таа рече дека убиствата може да им се припишат на групите Задруга за развој на Конго (CODECO), милицијата на Заид и бунтовничката група Сојузнички демократски сили (ADF).
Според нејзините зборови, безбедносната ситуација во источниот дел на ДР Конго продолжува да се влошува и покрај затишјето на вооружените судири меѓу бунтовничките групи М23 и владините сили во провинцијата Северен Киву.
Повторувајќи го повикот на ОН кон сите вооружени групи да ги запрат непријателствата, Поби повика на прераспоредување на владините безбедносни сили, особено во Итури за да се обнови државната власт во тоа подрачје.
Источен Конго, според податоците на ОН, има 5,7 милиони интерно раселени лица поради немање безбедни извори на храна.
Извор: www.aa.com.tr
