Претседателот на Фудбалската федерација на Македонија, Масар Омерагиќ, им упати честитки на младите репрезентативци до 19 години за двете победи против селекцијата на Босна и Херцеговина.
„Пет победи во низа за младите селекции се радост и надеж за иднината на нашиот фудбал. Сепак, пред нас е уште многу работа, а овие резултати се поттик да продолжиме уште посилно“, порача Омерагиќ.
Тој истакна дека македонската фудбалска јавност има причина да биде горда и увери дека ФФМ ќе продолжи со поддршка и инвестирање во младите категории, кои се темел на иднината на националниот тим.
