Околу сто дома се оштетени во северниот дел на Тел Авив од ирански ракетен напад

October 2, 2024
1 min read

ЕРУСАЛИМ (АА) – Израелските власти соопштија дека околу 100 дома во северниот град Ход Хашарон се оштетени при вчерашниот ракетен напад на Иран, јавува Анадолу.

Израелскиот јавен радиодифузер КАН денес ги цитираше градските власти дека некои од зградите се значително оштетени и ќе биде потребно извесно време за да се поправат, а на десетици имаат само мали оштетувања.

Вчера израелското армиско радио потврди дека ирански ракети паднале на отворен простор во Нетанија, која се наоѓа во Ход Хашарон, дел од пошироката област Тел Авив.

Иран истрела околу 180 балистички ракети кон Израел во услови на зголемени тензии меѓу двата регионални држави.

Корпусот на Исламската револуционерна гарда (ИРГЦ) соопшти дека нападот бил одговор за атентатите врз водачот на Хамас, Исмаил Ханије, лидерот на Хезболах, Хасан Насрала, и командантот на ИРГЦ, Абас Нилфорошан.

Ханије беше убиен во напад врз Техеран во јули, а Насрала и Нилфорошан беа убиени во воздушен напад врз либанскиот главен град Бејрут минатата недела.

Израелскиот премиер Бенјамин Нетанјаху рече дека ракетниот напад е „голема грешка“ и дека Иран „ќе плати за тоа“.

Нападот се случи во време на зголемени меѓународни стравови дека војната на Израел против Газа и либанскиот Хезболах ќе ескалира во поголем регионален конфликт.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Божиновска: Регионалната соработка е од особена важност за енергетската трансформација

Следно

Хил: Конечната одлука за експлоатација на литиум ќе ја донесат граѓаните на Србија

Latest from Blog

Обвинителниот акт за пожарот во дискотеката „Пулс“ доставен до Основен кривичен суд Скопје

Предметот за пожарот во дискотеката „Пулс“, оформен од Основното јавно обвинителство – Кочани, денеска е префрлен од Основниот суд Кочани во Основниот кривичен суд Скопје, согласно решението на Врховниот суд на РСМ,

Во бомбашки напад врз владино возило во Северозападен Пакистан загинаа четири лица

ИСЛАМАБАД (АА) – Најмалку четири лица загинаа, а 11 се повредени откако врз владино возило е извршен бомбашки напад покрај патот во северозападната покраина Хајбер Пахтунхва, изјави официјален претставник, јавува Анадолу. Службеното
Go toTop