ИСТАНБУЛ (АА) – Повеќе од 600.000 луѓе се раселени во блокираниот Појас Газа поради израелските напади, објави Агенцијата на Обединетите нации за помош и работа за палестинските бегалци на Блискиот Исток (УНРВА), јавува Анадолу.
„Тие објавија извештај под називот ‘Ситуацијата во Појасот Газа и Западниот Брег, вклучувајќи го Источен ал-Кудс (Ерусалим): 17 дена во војна’.“
Во извештајот се наведува дека 600.000 луѓе се раселени во Газа по израелските напади што траат од 7 октомври и дека овие луѓе биле сместени во 150 засолништа што ѝ припаѓаат на УНРВА.
Соопштено е дека во последните 24 часа се раселени уште 10.000 луѓе, а околу 430.000 Палестинци се раселени во централна Газа, како и во регионите Кан Јунис и Рафах.
Во извештајот се наведува дека од 21 октомври до Газа биле испорачани 54 камиони со помош, дека во камионите имало храна, вода и лекови, но не било можно да се обезбеди гориво.
Израел ја бомбардира Газа по ненадејниот напад на Хамас на 7 октомври, ставајќи ја целата енклава под блокада, поради што 2,3 милиони жители се со малку вода, гориво и медицински материјали.
Израелската војска продолжи со своите интензивни воздушни напади врз Газа, во кои уништи цели квартови.
Во израелските напади на Газа убиени се 5.791 Палестинец, од кои 2.360 се деца, 1.292 жени и 295 стари лица.
