ОЕЦД: Хрватска втора по смртност од рак во ЕУ

February 2, 2023
1 min read

Во 2019 година, во Хрватска се регистрирани 311 смртни случаи од рак на 100.000 жители, 25 отсто повеќе од просекот во ЕУ. Полошо е само во соседна Унгарија, јави Хина.

Најчести причини за смртност од рак кај мажите во 2019 година биле ракот на белите дробови, вклучително и душникот (2.013 смртни случаи), дебелото црево (1.264) и простатата (809). Кај жените, најчести причини биле ракот на белите дробови (870 смртни случаи), рак на дебелото црево (839) и рак на дојката (757).

Проценетата инциденца на рак во Хрватска е приближно еднаква на просекот на ЕУ, но Хрватите учествуваат многу помалку од просекот на Унијата во програмите за рано откривање на рак на дојка, грлото на матката и дебелото црево. Жителите во руралните области и оние со понизок степен на образование и приходи реагираат поретко, велат од ОЕЦД.

Во извештајот се наведува и дека Хрватска има повисока стапка на лица со прекумерна тежина од која било друга земја-членка на ЕУ и е на самиот врв според процентот на пушачи.

Пушењето, прекумерната тежина и дебелината и загадениот воздух се повисок ризик фактори за рак во Хрватска отколку во другите земји-членки на ЕУ.

„Квалитетот на лекувањето на ракот во Хрватска е понизок отколку во другите земји-членки на ЕУ. ИХМЕ проценува дека во 2019 година од рак се изгубени 282.113 години живот или 6.641 на 100.000 жители, 15 отсто повеќе од просекот на ЕУ од 5.717 во истата година“.

Во исто време, вкупните трошоци за лекување на рак се за 11 отсто повисоки од просекот во блокот.

Во извештајот се предупредува дека „недостигот на здравствени работници и медицинска опрема го ограничуваат пристапот до третман на рак“ во Хрватска. (МИА)

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Чувар на фирма пронајден со повреди од физички напад

Следно

ЗНМ и СЕММ: Државните функционери повторно во напад кон новинарите – ваквото однесување мора да престане

Latest from Blog

Коњановски: Од граѓаните до институциите – заеднички кон модерна Битола

Битола – Градоначалникот на Општина Битола, Тони Коњановски, денеска оствари средби со граѓаните од урбаните заедници во централното градско подрачје. Во рамки на кампањата „Предложи идеја“, жителите имаа можност директно да ги

Анџелина Џоли го смени имиџот, фановите се шокирани од новата фризура (ФОТО)

Познатата актерка моментално е во Лондон за снимањето на новиот филм „Anxious People“, а папараците ја фотографираа со светло руса кратка коса, предизвикувајќи изненадување кај нејзините обожаватели, со оглед на тоа што

Се урна авион во Денвер, има загинати

Мал комерцијален авион се урна денес и се запали недалеку од Денвер во американската држава Колорадо, а во несреќата загинаа две лица, објавија американските власти. „Несреќата се случила јужно од аеродромот „Сентенијал“
Go toTop