Од утре аплицирање за субвенциониран студентски оброк за академската 2025-2026 година

August 14, 2025
1 min read

Министерството за образование и наука информира дека од утре започнува аплицирањето за остварување на правото на субвенциониран студентски оброк за академската 2025-2026 година. Повикот со условите и начинот на аплицирање е објавен на следниот линк.

Рокот за пријавување за тековните и студентите кои ќе се стекнат со статус на студенти во академската 2025/2026 година е до 5.9.2025 година.

Аплицирањето се спроведува електронски преку порталот https://e-uslugi.mon.gov.mk/, а на повикот можат да се пријават сите редовни студенти запишани на прв циклус, односно втор циклус на студии, како и на интегрирани студии на јавните и приватните универзитети во државата. Апликантите треба да се државјани на Република Северна Македонија и да немаат месечен приход по кој било основ поголем од минималната нето-плата во тековната година.

При поднесувањето на апликацијата, студентите задолжително пополнети и потпишани ги прикачуваат и обрасците Пријава за стекнување со право на субвенциониран студентски оброк и Изјава за точност на внесените податоци во пријавата за стекнување со право на субвенциониран студентски оброк. МОН по службена должност ги обезбедува сите останати докази за исполнетост на условите, а кои ги поседуваат МВР, УЈП и студентските служби на факултетите.

Секој апликант кој има потреба од непосредна поддршка при аплицирање за остварување на правото на субвенциониран студентски оброк, може да се обрати до Секторот за ученички и студентски стандард преку следниот контакт: [email protected].

Финансиската поддршка во износ од 140 денари е наменета за купување храна, а студентот може да ја користи од понеделник до сабота, кај правни лица кои произведуваат, подготвуваат или продаваат храна. Паричниот надомест не е предвидено да се исплаќа во периодот на летниот распуст од 1 јули до 1 октомври.

За реализација на исплатите за субвенциониран студентски оброк, Министерството за образование и наука склучи договор со Шпаркасе банка АД Скопје. Оттаму, сите студенти кои ќе се стекнат со ова право, за што ќе бидат известени од страна на МОН по електронски пат, ќе треба да потпишат договор со Шпаркасе банка за отворање на посебна сметка, поврзана со наменска платежна картичка.

Можноста за аплицирање за остварување на правото на субвенциониран студентски оброк ќе биде отворена во периодот од 1ви до 5ти секој месец од академската 2025/2026 година и тоа за пријавување на студентите кои не го оствариле правото на субвенциониран студентски оброк по Јавниот повик или чие право престанало поради неисполнување на некој од критериумите, тогаш кога повторно ќе ги исполнуваат.

ИЗВОР: kurir.mk

MARKETING

MARKETING

Претходно

Путин пред самитот со Трамп: САД искрено се трудат да се реши кризата во Украина

Следно

Дваесет години од најголемата авионска несреќа во историјата на Грција и Кипар

Latest from Blog

Пожарот во ловиштето „Јасен“ сè уште активен, одбраната на објектите на претпријатието продолжува и во текот на ноќта

По два БТР и „хермелини“, четири „пинцгауери“ и повеќе противпожарни возила и ноќва ќе се фокусираат на одбрана на објектите на Јавното претпријатие „Јасен“, информираше вечерва директорот на Дирекцијата за заштита и

Во Албанија годинава опожарени 54 илјади хектари земјиште, 207 куќи, од што 40 целосно се изгорени

Албанија се соочува со една од најтешките сезони на пожари во последните години. Според Европскиот информативен систем за шумски пожари (EFFIS) годинава низ целата земја изгореле над 54 илјади хектари земјиште од

Елмас пред враќање во Наполи

Македонскиот репрезентативец Eљиф Елмас можно да се врати во редовите на својот поранешен клуб Наполи. Според „Фудбал Италија“ Наполи направил сериозни чекори за враќање на својот поранешен играч Елмас од Лајпциг. Ова

Колера во Судан: 40 мртви за една недела, болниците се на работ на колапс

Епидемија на колера во Судан во последните години одзеде најмалку 40 животи за само една недела, предупреди групата за медицинска помош „Лекари без граници“ (MSF). Ситуацијата е толку лоша што преоптоварените медицински

Енергетски напредок: Македонија за два месеца издаде 107.666 зелени гаранции

Македонија во првите два месеца од почетокот на издавањето гаранции за потекло на електрична енергија издала вкупно 107.666 вакви потврди, соопшти Националниот оператор на пазарот на електрична енергија (МЕМО). Регистарот на гаранции
Go toTop