Од 7 октомври во израелските напади загинаа 31.553 Палестинци, 73.546 се повредени

ГАЗА (АА) – Најмалку 63 Палестинци загинаа, а 112 се повредени во последните 24 часа додека Израел продолжува со нападите врз опколениот Појас Газа, објави денес Министерството за здравство на енклавата, јавува Анадолу.

„Израелската окупација изврши седум масакри врз семејствата во Појасот Газа, во кои во изминатите 24 часа загинаа 63 лица, а 112 се повредени“, се вели во соопштението на Министерството.

Прекршувајќи ја привремената одлука на Меѓународниот суд на правдата, Израел ја продолжува својата офанзива врз Појасот Газа, каде според палестинските здравствени власти од 7 октомври досега се убиени најмалку 31.553 Палестинци, главно жени и деца, а 73.546 се повредени.

По тужбата за геноцид поднесена од Јужноафриканската Република, Меѓународниот суд на правдата на 26 јануари пресуди дека Израел мора да се воздржи од какви било активности поврзани со убивање, напади и уништување на жителите на Појасот Газа и да ги преземе сите мерки за да спречи геноцид.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.