Од 7 октомври во Газа израелските сили убија 97 палестински новинари

АНКАРА (АА) – Бројот на загинати палестински новинари убиени од израелската армија од 7 октомври во Газа се искачи на 97, соопштија денес властите во опколената палестинска енклава, јавува Анадолу.

„Бројот на убиени новинари се искачи на 97 од почетокот на бруталната [израелска] агресија врз Газа“, соопшти владината канцеларија за медиуми со седиште во Газа.

Последна жртва новинар беше Адел Зороб, убиен во израелскиот воздушен напад врз градот Рафа, во јужниот дел на Појасот Газа, се вели од Канцеларијата за медиуми.

Оттаму ја обвинија израелската армија за намерно убивање на палестинските новинари, со цел „да нема трага од вистината“.

Израел го бомбардира Појасот Газа од воздух и од копно, воведе опсада и изврши копнена офанзива како одмазда за прекуграничниот напад на Хамас на 7 октомври.

Во израелските напади, според здравствените власти на Газа, загинати се најмалку 19.453 Палестинци, претежно деца и жени, а 52.286 се повредени.

Според официјални податоци, бројот на загинати Израелци во нападот на Хамас изнесува 1.200, додека над 130 заложници сè уште се држат од палестинската група во Газа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..