Обвинителството отвори предмет за Груби и Беџети: Ахмети не го отстранува Груби од партијата

December 11, 2024
1 min read

Оформен е предмет против Артан Груби и Енвер Беџети, откако се најдоа на црната листа на САД. Републичкиот обвинител Љупчо Коцевски брифира дека Обвинителството ќе се обиде да обезбеди докази за да се провери кривичната одговорност за двајцата, по наводите од Стејт департментот за поткуп и тргување со влијание. Коцевски нагласи дека е одлична соработката со амбасадата на САД и тие помагаат во борбата против корупцијата.
Амбасадорката Анџела Агелер претходно кажа дека доказите против Груби и Беџети, штом ги има Вашингтон, се достапни и за домашните институции. Прашан дали Скопје ги прибавило доказите, министерот за внатрешни работи Панче Тошковски, кусо одговори:

„Би побарал трпение од македонската јавност во овој дел… сега за сега.“

Во меѓувреме, првиот човек на ДУИ застана во одбрана на Груби. Али Ахмети засега нема да го отстрани Груби од партијата, а во исто време вели дека ДУИ не ги оспорува одлуките на Стејт департментот. Ахмети информираше дека Груби ќе го користи правото на жалба.

„Мислам дека господинот Груби е одговорен и совесен, нема потреба да го отстраниме од партијата, господинот Груби секако ќе се повлече од сите функции во партијата“, изјави претседателот на ДУИ, Али Ахмети.

Во однос на ефектите кај правосудните органи во земјава од поставувањето на функционери на црната листа, министерот Орхан Муртезани нагласи дека добронамерните сугестии од САД мора сериозно да се сфатат и да се инкорпорираат во националното законодавство.

„Кога САД одреден политичар или јавно лице ќе го стават на црната листа поради, не наводи, туку постоење докази за корупција, мислам дека согласно закон нашите органи треба да бидат принудени да постапат“, изјави министерот за европски прашања, Орхан Муртезани.

Агелер информира дека Вашингтон разгледува дополнителни санкции за Груби и неговото семејство, како и за судијата Енвер Беџети. Таа потенцира дека двајцата биле вклучени во поткуп, кој се поврзува со дел од предметите отворени против Сашо Мијалков.

Инаку, лани за судијата Беџети Судскиот совет покрена истрага зашто предолго седел во фиока случајот „Таргет-Тврдина“, кој се однесува на прислушувањето. Но, до постапка за разрешување на судијата не дојде.

ИЗВОР: ТВ 21

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Филипче: ЕУ агендата е приоритет за моето претседавање со Националниот совет за евроинтеграции во Собранието

Следно

Проф. Кекеновски: Ќе ве причекаме претседателе на Уставниот Суд, но вие да си постапите според одредбите од актот на уставниот суд на РМ

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop