ХАМИЛТОН (АА) – Извештајот објавен во понеделникот од „Њујорк тајмс“ се спротивстави на сопствената приказна од пред речиси три месеци во врска со членовите на Хамас кои сексуално напаѓале Израелки за време на прекуграничниот упад на групата во Израел на 7 октомври минатата година, пренесува Анадолу.
Извештајот под наслов „Видеото на израелскиот војник го поткопува тврдењето на болничар за сексуално насилство“, го признава видеото снимено од страна на израелски војник на кое се прикажани „телата на три женски жртви целосно облечени и без очигледни знаци на сексуално насилство во домот каде што многу жители веруваат дека нападите се случиле таму“.
На 28 декември, Тајмс објави долг истражувачки извештај со наслов „Врисок без зборови: како Хамас како оружје го употреби сексуалното насилство на 7 октомври“ кој истражува за наводното силување и сексуалното насилство од страна на членовите на палестинската група врз жените за време на нападот на 7 октомври. Извештајот вклучуваше изјави од неидентификуван болничар кој припаѓа на израелска единица командоси.
Неколку медиуми, вклучувајќи ги Асошиејтед прес, Си-ен-ен и Вашингтон пост објавија слични наративи кои му се припишуваат на анонимен воен болничар.
Написот на Тајмс спомена три наводни жртви на сексуален напад. Две од нив, од Кибуц Беери, беа опишани со доволно детали за потенцијално да се идентификуваат како сестри, со презиме Шараби, на возраст од 13 и 16 години.
Михал Паикин, портпаролката на Кибуц Беери, категорично ги отфрли наводите за сестрите, велејќи дека додека биле застрелани, тие не биле изложени на сексуална злоупотреба.
„Зборувате за девојките Шараби?“ изјави таа за „The Intercept“.
„Не, тие беа застрелани и не беа изложени на сексуална злоупотреба.“
Дополнително поткопувајќи го кредибилитетот на наводите, Паикин ја доведе во прашање веродостојноста на сведочењето на болничарот од израелските специјални сили, примарен извор за написот на Тајмс.
„Тоа не е вистина“, рече таа, мислејќи на тврдењата на болничарот за девојчињата.
„Тие не беа сексуално злоупотребувани.“
Според најновиот извештај на „Њујорк тајмс“, жителите не ги коментирале новопојавените видеоснимки и рекле дека само во еден дом во Кибуц Беери биле сместени двете тинејџерки кои биле убиени, што ги навело да ги отфрлат тврдењата за сексуален напад.
Извор: Anadolu Agency (AA)
