ЊУЈОРК (АА) – Американскиот весник „Њујорк тајмс“ тврди дека Израел го организирал конвојот со помош пред кој чекаа многу луѓе кога во израелски напад на 29 февруари беа убиени повеќе од 100 жители на Газа, пренесува Анадолу.
Во разговор за „Њујорк тајмс, двајца западни дипломати, кои сакаа да останат анонимни, открија дека израелските власти им рекле дека се обидуваат да ја пополнат празнината која е присутна по прашањето на хуманитарната помош во тој регион.
Понатаму се наведува дека израелските официјални претставници стапиле во контакт со некои луѓе од Газа и ги замолиле да помогнат во организирање на конвојот за помош во регионот и дека безбедноста на конвојот ќе ја гарантира Израел.
Бизнисменот од Газа, Изат Акел, кој рече дека помогнал во координирањето на конвојот со помош за кој станува збор, за „Њујорк тајмс“ изјави дека израелски воен офицер пред десетина дена го замолил да организира камиони со помош за северна Газа.
Во нападот на израелската војска врз Палестинците кои чекаа помош во градот Газа во четвртокот, загинаа 118, а ранети беа 760 Палестинци.
Палестинското Министерство за здравство во Газа објави дека бројот на загинати во израелските напади врз Газа во изминатите 24 часа се зголемил за 90, достигнувајќи вкупно 30.410.
Извор: Anadolu Agency (AA)
