Њујорк се соочува со незапаметено загадување на воздухот поради шумските пожари во Канада

June 8, 2023
1 min read

ЊУЈОРК (АА) – Загадувањето на воздухот предизвикано од шумските пожари што беснеат во Канада со недели зафати големи делови од Северна Америка, вклучително и Њујорк, во САД, каде што се издадени предупредувања за високоризичен квалитет на воздухот за десетици милиони луѓе, јавува Анадолу.

Градоначалникот на Њујорк, Ерик Адамс, вчера предупреди дека чадот што се издигнува над градот е настан без преседан и ги повика њујорчани да преземат мерки на претпазливост додека ги извршуваат своите секојдневни активности.

Сите пет градски општини се под предупредување за квалитетот на воздухот. Градот ги повикува сите жители да ја ограничат изложеноста на отворено, а чувствителните категории да останат внатре.

„Ова не е ден да тренирате за маратон или да сте надвор со вашите деца. Останете внатре, затворете ги прозорците и вратите и користете прочистувачи на воздух доколку имате“, рече Адамс.

„Ако сте постари или имате проблеми со срцето или дишењето или сте повозрасни луѓе, треба да останете внатре. А доколку мора да излезете на отворено, носете висококвалитетни маски, како што се К-95“.

Училиштата сѐ уште се отворени, но сите активности на отворено се откажани.

Сликите направени од фотографите на Анадолу го прикажуваат градот покриен со портокалова магла, така што главните знаменитости, како што е Емпајер Стејт Билдинг, се едвај видливи.

Канада се бори со шумските пожари од почетокот на мај, а повеќе од 400 сѐ уште се активни, според канадските власти.

Околу 9,4 милиони хектари земја изгореа, а повеќе од 20.000 луѓе се евакуирани.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

MARKETING

MARKETING

Претходно

Турски МИТ неутрализира баран терорист на ПКК во Северен Ирак

Следно

(ВИДЕО) Повредени шест деца при напад со нож во парк во Франција

Latest from Blog

Италија: Вулканот Етна исфрла пепел и лава

РИМ (АА) – Етна, еден од активните вулкани на југот на Италија, исфрла пепел и лава, известува Анадолу. Според информациите до кои дојде дописникот на АА од локални извори, вулканската активност на

Претседателката Сиљановска ги посети повредените од пожарот кои се лекуваат во Софија

Во Софија денеска претседателката Гордана Сиљановска-Давкова ги посети повредените од пожарот во Кочани, кои се лекуваат во болницата „Пирогов“. Во Бугарија вкупно се наоѓаат 14 пациенти, од кои девет се во болницата

Паметник на Пониква и Спомен-парк во Кочани за жртвите во пожарот во дискотеката „Пулс“

Кочанските планинари и активни доброволци-пожарникари Тошо и Стојка Антови, чија ќерка Ивона загина во пожарот со 59 жртви во дискотеката „Пулс“ во Кочани на 16 март, покренаа иницијатива за изградба на меморијален
Go toTop