Денеска во Основен кривичен суд продолжува судењето за грозоморните убиства на малолетната Вања Ѓорчевска и пензионерот Панче Жежовски. На денешното рочиште се очекува да заврши доказната постапка и да се почне со дополнение.
На минатото рочиште заврши сведочењето на првообвинетиот Љупчо Палевски. Тој негираше насилни кривични дела, изјавувајќи дека мотивот за убиството е нелогичен и недокажан.
Судот информираше дека прифаќа да се прибави видеозапис од експозитурата на Халк Банка на 27 ноември 2023 година од 9 до 12 часот. Не се прифати барањето да се повикаат како сведоци двата вештаци кои ја вештачеле чаурата, затоа што барањето не било доставено на време.
Во текот на распитот, Палевски негираше вина и изрази уверување дека целиот процес е политички прогон против него.
Претходно пред Палевски свои искази дадоа таткото на Вања, Александар Ѓорчевски, како и останатите осомничени Боре Видевски, Велибор Манев и Влатко Кешишев.
ИЗВОР: ТВ 21
