Градоначалникот на Киев, Виталиј Кличко изјави дека не се регистрирани повици до спасувачките служби
Низ цела Украина утрово е прогласена тревога поради руските ракетни напади. Неколку часа по нападот тревогата е укината во поголемиот дел од земјата, вклучително и во главниот град Киев.
Air raid alert in #Ukraine right now pic.twitter.com/UcWpYUI1Gj
— Ukraine Alert🇺🇦 (@alert_ukraine) June 2, 2023
Киевските власти известија дека имало две одделни серии напади. Според Генералштабот на украинската армија, Русија го нападнала Киев со 15 крстосувачки ракети и 18 ирански беспилотни летала „Шахед“, пренесува Киев индипендент.
⚡️General Staff: Russia attacks Ukraine with 15 cruise missiles, 18 drones in June 2 overnight aerial attack.
Russian attacked Kyiv overnight on June 2 with 15 cruise missiles and 18 Iranian-made Shahed drones in its latest attack on the capital, the General Staff said. (1/2)
— The Kyiv Independent (@KyivIndependent) June 2, 2023
Претходно градската воена управа на Киев објави дека според прелиминарните информации, во нападот во текот на ноќта над Киев биле соборени 30 дронови.
Серхи Попко, началникот на воената администрација на Киев, во објава на Телеграм вели дека ова е шести бран напади врз украинскиот главен град во изминатите шест дена.
„Во последниот напад беа користени и балистички ракети и беспилотни летала. Се уште нема информации за штети или жртви“,
рече Попко.
Тој го пофали украинскиот систем за противвоздушна одбрана за одбивањето на ракетите воздух-земја и нападните беспилотни летала „Шахед“ од Иран.
Градоначалникот на Киев, Виталиј Кличко изјави дека не се регистрирани повици до спасувачките служби.
Од почетокот на мај, Русија изврши околу дваесет ракетни и беспилотни напади врз украинските градови.
Украина редовно тврди дека нејзината одбрана ги соборува повеќето руски ракети и беспилотни летала.
Украинскиот претседател Володимир Зеленски, вчера побара од западните сојузници да испратат повеќе ракетни системи „патриот“ во Киев додека не пристигнат борбените авиони.
На самитот на европската политичка заедница во Молдавија, Зеленски претходно им се заблагодари на сојузниците за нивната „силна поддршка“ во однос на испраќањето борбени авиони и обуката на украинските војници, но ги повика лидерите на многу земји да му испратат повеќе одбранбени системи.
Извор: 360stepeni.mk
