Новата гардероба, особено темните и интензивни бои, често ја губат живоста по првите неколку перења. Причината е едноставна, бојата кај новите парчиња облека не е целосно врзана за влакната, па под дејство на водата и детергентите лесно се отстранува. Додека некои посегнуваат по скапи средства за нејзино фиксирање, решението се наоѓа во состојка од кујната – солта.
Кујнската сол влијае на молекуларно ниво за пигментите подобро да се врзат за ткаенината. Кај памукот и другите природни материјали, бојата често се задржува само на површината на влакната. Со потопување на облеката во ладна вода со сол бојата се стабилизира. Солта ја намалува растворливоста на пигментите „заклучувајќи“ ја во ткаенината.
Стручните лица за текстил објаснуваат дека овој трик е особено ефикасен кај реактивни и директни бои кои масовно се користат во производството на ткаенини. На овој начин, во следните перења се ослободува значително помала количина пигмент, а парчето облека подолго ја задржува првобитната нијанса.
Важно е да се истакне дека овој трик се применува исклучиво пред првото перење на новата облека. Идеална е за темни фармерки, маички со живи бои и памучни парчиња, додека кај повеќекратно испраната облека ефектот изостанува, бидејќи процесот на испирање на бојата е завршен.
Иако солта не може да го спречи природното избледување на облеката под дејство на УВ зрачењето или честото перење на повисока температура од препорачаната, сепак таа е едноставен и евтин начин да се зачува свежиот изглед на новите парчиња. Овој трик може да го одложи моментот на избледување на вашата омилена маичка или панталони.
Со малку сол во ладна вода, постојаноста на боите повеќе не е хемиски експеримент, туку домашен рецепт за зачувување на гардеробата.
Извор: vecer.mk
