Денес, Уролошкиот оддел при Клиничката болница во Тетово официјално доби нова медицинска опрема, која се очекува значително да ги подобри услугите за пациентите со разни уролошки патологии.
Инвестицијата беше направена преку два главни извори:
Донација од Црквата на Исус Христос на светиите од подоцнежните дни, која вклучува:
-Современа опрема за кршење камења во уринарниот тракт,
-Опрема за изведување операции на уретрата.
Сопствена инвестиција од самата Клиничка болница во Тетово, која вклучува:
-Ехо апарат за изведување биопсија на простата,
-Апарати за хирургија на простата и третман на рак на мочен меур со напредна биполарна технологија.
Според надлежните лекари, овие нови алатки и оваа важна инвестиција ќе овозможат поквалитетна дијагноза и третман кај пациенти со уролошки заболувања, зголемувајќи ја ефикасноста и безбедноста на медицинските интервенции.
Раководството на клиничката болница во оваа пригода им се заблагодарија на сите соработници и високо ја ценат соработката насочена кон континуирано подобрување на здравствените услови за жителите на Полошкиот регион.
