Најголемата политичка партија во Италија поднесе предлог за откажување на продажбата на „Џузепе Меаца“ или „Сан Сиро“ на Интер и Милан, откако започна истрага за случајот со стадионот. По една деценија дискусии, презентирани, отфрлени и ревидирани проекти, двата клуба конечно го финализираа купувањето на земјиштето околу стадионот „Џузепе Меаца“ во населбата Сан Сиро во Милано. Во ноември 2025 година, клубовите потпишаа договор вреден 200 милиони евра за изградба на нова арена на локацијата, која моментално се користи како паркинг. Потоа ќе можат да го урнат постојниот стадион или да го реконструираат.
Сепак, сето ова повторно е доведено во прашање откако канцелариите на градскиот совет на Милано беа претресени од италијанската финансиска полиција како дел од истрагата за сомневање за местење на понуди и дослух. Сега „Фратели д’Италија“, политичката партија на премиерот Џорџо Мелони и опозициска партија во градот Милано, поднесе предлог за откажување на продажбата на Сан Сиро и побара оставка од градоначалникот Џузепе Сала.
Партијата отсекогаш се противела на продажбата на стадионот, инсистирајќи наместо тоа постојната арена да се реновира, иако тоа би било исклучително тешко бидејќи тимовите играат натпревари на секои три дена.
Извор: vecer.mk
