Норвешка отвори истрага за фирмата во Бугарија во врска со експлозиите на пејџери во Либан

September 20, 2024
1 min read

ЛОНДОН (АА) – Норвешката полиција започна прелиминарна истрага за компанијата во Бугарија во сопственост на норвешки државјанин во врска со експлозиите на пејџери во Либан, во кои загинаа најмалку 37 луѓе, а над 3.200 се повредени во два брана експлозии на комуникациски и воки токи уреди, објавија денес локалните медиуми, пренесува Анадолу.

Полицискиот округ на Осло објави дека започнал истрага за поврзаноста на Норвешка со инцидентот што се случи во Либан во вторникот и средата.

„Можеме да потврдиме дека полицијата започна прелиминарна истрага за информациите што се појавија и континуирано ги проценува сите можни мерки“, рече менаџерот за операции Александар Остерхауг, цитиран од националната телевизија НРК.

Според пишувањето на медиумите, компанијата во сопственост на Норвежанец е регистрирана во главниот град на Бугарија, Софија.

Досега, индициите за случајот укажуваат на Тајван, Унгарија, Бугарија и сега на Норвешка.

Претходно оваа недела, во вестите на унгарските медиуми беше наведено дека софиската „Норта Глобал“ била вмешана во продажбата на пејџери на либанската група Хезболах.

Сепак, бугарската контраразузнавачка служба, ДАНС, не најде никаква поврзаност меѓу земјата и неодамнешните експлозии на уреди за безжична комуникација во Либан и Сирија, објавија денес државните медиуми.

И Хезболах и либанската Влада го обвинија Израел за добро испланираните експлозии.

Досега Израел не одговори во врска со смртоносните напади. Дури, кабинетот на израелскиот премиер Бенјамин Нетанјаху се огради од објавата на X на неговиот советник Топаз Лук, која навести дека Тел Авив е одговорен за експлозиите.

Неколку земји ги осудија експлозиите на пејџери и изразија солидарност со Либан, додека меѓународните организации за човекови права, вклучително и „Хјуман рајтс воч“, предупредија дека таквите напади ги загрозуваат животите на цивилите и ги кршат законите за време на војување.

Масовните експлозии на пејџери дојде во период на размена на прекугранични напади меѓу Хезболах и Израел паралелно со бруталната израелска офанзива во Појасот Газа, во која од октомври минатата година убиени се над 41.300 луѓе, главно жени и деца, а повредени се над 95.000.

Претходно денес, норвешкиот министер за надворешни работи, Еспен Барт Еиде, повика на воздржаност. „Изразувам од срце мое сочувство со цивилите во Либан и во целиот регион кои сега живеат во страв. Ги повикувам сите страни да покажат максимална воздржаност“, напиша тој на X.

Синоќа Израел бомбардираше нови цели во Либан во најинтензивниот напад врз земјата од избивањето на војната во Газа.

„Ова што се случува е закана за меѓународниот мир и безбедност“, изјави Еиде денес за НРК.

„Сега израелските лидери сосема експлицитно велат дека сакаат да ја преместат војната кон Либан. Тогаш ќе ја добиеме ескалацијата од која се плашевме долго време“, нагласи норвешкиот министер.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Димитриеска Кочоска: Да обезбедиме влез на поголем број учесници на Берзата, ќе работиме на развој на секундарниот пазар

Следно

Израелските авиони уништија стотици ракетни фрлачи на Хезболах наменети за израелската територија

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop