ИСТАНБУЛ (АА) – Нормализацијата на односите меѓу Азербејџан и Ерменија беше во фокусот на разговорот помеѓу азербејџанскиот претседател Илхам Алиев и рускиот министер за надворешни работи Сергеј Лавров во главниот град Баку, пренесува Анадолу.
„Русија, како наш пријател, сојузник и сосед, има посебна улога во помагањето во регулирање на меѓудржавните односи меѓу Азербејџан и Ерменија“, рекол Алиев за време на состанокот, соопшти азербејџанското Претседателство.
„Минатата година, беа направени значителни напори во оваа насока, а документите што ја дефинираат концептуалната природа на идниот мировен договор ја поставија основата што може да се искористи за негово постигнување.“
Алиев рече дека и понатаму се надева дека „2023 година ќе биде година на напредок во нормализацијата на односите меѓу Азербејџан и Ерменија“, заблагодарувајќи се на Русија за нејзиното „активно вклучување“.
„Ние сме решени да направиме позитивна и конструктивна работа заедно со ерменската страна и… Русија брзо да ја сврти страницата на ова непријателство и да го врати мирот во Јужен Кавказ“, додаде тој.
Осврнувајќи се на напорите за нормализација, Лавров ја истакна важноста на регионалната безбедност и стабилност.
Тој рече дека многу светски актери „вклучувајќи ги и оние кои се наоѓаат далеку од овој регион, покажуваат голем интерес за создавање услови за напредок во нормализацијата на односите меѓу Азербејџан и Ерменија“.
„Како што рускиот претседател Владимир Путин постојано велеше – ги поздравуваме сите напори насочени кон стабилизирање на ситуацијата и создавање услови за сите земји лоцирани во овој регион да имаат можност да соработуваат во интерес на нивните земји и народи врз основа на взаемна почит и взаемна корист“, рече Лавров.
– Билатералните односи „целосно се развиваат“ –
Алиев го поздрави „динамичниот“ напредок во билатералните односи меѓу Азербејџан и Русија.
„Нашите односи целосно се развиваат, критичните прашања се решаваат и добро ја започнавме оваа година“, рече тој.
Тој истакна дека сè уште има одредени области каде соработката „сè уште не е толку активна“.
„Затоа се надеваме на сериозни меѓусебни чекори на полето на традиционалната интеракција – политичкиот дијалог, енергетикара, транспортот, трговијата, хуманитарната соработка и сојузот, кои треба да ги доведеме на ниво на интеракција“, рече Алиев.
Лавров истакна дека практичната соработка меѓу Баку и Москва се развива „ефикасно и опширно во сите правци“.
„Прометот на стоки, показател за нашата економска соработка, исто така достигнува рекордни нивоа, а тоа не е граница“, рече рускиот министер.
Тој истакна дека Алиев и Путин разговарале за „неколку мега-проекти кои ќе бидат не само билатерални, туку и регионални, па дури и глобални по суштина“.
„Вие и многу наши партнери сте заинтересирани за овие проекти. Ова покажува колку ветувачка е интеракцијата со учество на Русија и Азербејџан како лидери на овој регион“, рече Лавров.
Извор: www.aa.com.tr
