Потпретседателот на ВМРО-ДПМНЕ, Александар Николовски, вечерва ја заокружи изборната кампања со митинг во Кичево, каде упати порака за обединување и промени.
„Кичево е Македонија! Оваа прекрасна изборна кампања ја завршувам вечерва токму овде, во Кичево! Д-р Александар Јовановски ќе биде новиот градоначалник,“ порача Николовски пред присутните граѓани.
Тој истакна дека следува период на целосен препород за Кичево и најави силна посветеност на проектите кои ќе го подобрат животот на граѓаните.
„Ќе се посветиме со сите сили за целосен препород на Кичево,“ рече Николовски, повикувајќи на масовна излезност на изборите во недела и поддршка за број 9 на ливчето – д-р Александар Јовановски.
