Николоски: Следува набавка на нови возови и најмалку пет електрични локомотиви

June 29, 2026
1 min read

Министерството за транспорт започнува нова фаза во реформите на железничкиот сектор, откако денеска беше потпишан договор за грант во вредност од еден милион евра со Светска банка. Средствата се наменети за преструктурирање на МЖ Транспорт и создавање поефикасно и функционално претпријатие, како дел од поширокиот план за модернизација на железничкиот сообраќај во земјата.

На потпишувањето на договорот, вицепремиерот и министер за транспорт Александар Николоски изјави дека Владата има јасна стратегија за целосна трансформација на железницата, посочувајќи дека во изминатиот период биле преземени мерки за стабилизација на претпријатието, кое, според него, било наследено во тешка финансиска состојба.

Тој истакна дека реформите веќе даваат резултати, при што во првите четири месеци од годинава е забележан раст и на бројот на превезени патници, но и значително зголемување на карго-сообраќајот.

Николоски најави дека паралелно со реформите ќе се работи и на обновување на возниот парк преку набавка на нови возови и најмалку пет електрични локомотиви, кои ќе придонесат за понатамошен развој на товарниот железнички сообраќај.

Тој информираше дека проектот за трансформација на железничките претпријатија се реализира во соработка со Европската Унија како дел од Планот за раст, додека грантот од Светска банка претставува почеток на суштинските реформи во секторот.

Осврнувајќи се на инфраструктурните проекти, Николоски рече дека е во завршна фаза изградбата на првата линија од Градскиот воз, а годинава се очекува да бидат распишани тендерите за втората и третата линија. Според најавите, тие би требало да бидат завршени до крајот на 2027 година или во првата половина на 2028 година.

Министерот потенцираше дека продолжуваат и инвестициите во железничкото поврзување со Бугарија преку Коридорот 8, каде што првата делница веќе е пуштена во употреба, додека втората и третата фаза се во различни фази на реализација. Паралелно, се работи и на западното железничко крило на Коридорот 8, како и на подготовките за брзата пруга на Коридорот 10.

На крајот, Николоски изрази благодарност до Светска банка за финансиската поддршка и континуираната соработка, оценувајќи дека овие инвестиции ќе придонесат за модерна, ефикасна и конкурентна железница во Македонија.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Диоманде го „откачи“ Ливерпул, сака трансфер во ПСЖ

Следно

Николоски: Следува најголемата реформа во Железницата, потпишан грант со Светска банка

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop