Најавата за натпревари на отворено на Флорида (верувале или не), одличната форма на Детроит Ред Вингс, плановите за нова арена, годишнината за најдобриот голман во лигата и пензионирањето на неговиот дрес ја одбележаа претходната недела во НХЛ.
Тампа Беј Лајнтинг ќе биде домаќин на Стадион серијата 2026 на стадионот „Рејмонд Џејмс“ во Тампа, каде што ќе играат со Бостон Бруинс на 1 февруари.
„Натпревари на НХЛ на отворено во Флорида? Зошто да не. Никогаш нема да кажеме дека нашата лига не е подготвена да го прифати предизвикот“, рече комесарот на НХЛ, Гери Бетман.„ЛоанДепо Парк“, домот на Мајами Марлинс во МЛБ, има покрив кој се повлекува. Стадионот „Рејмонд Џејмс“, домот на НФЛ тимот Тампа Беј Бјуканирс, нема. Но, НХЛ има одиграно 42 натпревара на отворено во секоја можна состојба. Седум од нив беа на 10°C или повисоки на почетокот на натпреварот. Два беа над 15°C.
Беше 16°C кога Анахајм Дакс го победи Лос Анџелес Кингс со 3:0 на стадионот „Доџер“ во Лос Анџелес на 25 јануари 2014 година. Беше 18°C кога Детроит Ред Вингс го совлада Колорадо Аваланш со 5:3 на „Корс Филд“ во Денвер на 27 февруари 2016.
„Во Мајами имаме намера да играме со отворен покрив, но покривот што може да се повлече ни дава некои опции и помага да се заштити поставувањето на мразот“, рече Дин Мацузаки, извршен потпретседател на НХЛ.
„Во Тампа, стадионот е на отворено, а ледената конструкција е многу поизложена на климатските услови. Тесно соработуваме со нашиот оддел за хокеарски операции и клучните добавувачи на нашите планови за заштита на ледената конструкција“, додаде тој.
Сезонава натпреварот под о0творено небо во рамките на Стадион серијата 2025 е закажан за 1 март на „Охајо“ стадионот во Колумбус, а домаќинот Колумбус Блу Џекетс ќе го пречека Детроит Ред Вингс. Претход, на 31 декември се одигра Зимскиот класик на „Ригли Филд“ во Чикаго каде Сент Луис Блуз со 6:2 го победи домашниот Чикаго Блекхокс.
Извор: kurir.mk
