Невремето веќе одзеде најмалку три животи во Словенија и во Хрватска
Невремето кое остави пустош во делови од Хрватска, пристигнува и во Србија.
Над градот Шид, кој се наоѓа во близина на српско-хрватската граница, како што јавуваат српските медиуми, веќе надвиснале темни облаци, а се слушаат и звуци.
Министерството за внатрешни работи (МВР) на Србија претходно издаде предупредување до граѓаните да се подготват за невреме и да не излегуваат од дома без потреба.
„Највисок, црвен степен на предупредување се издава пред сè за Срем, Мачва и Подриње, каде што се очекува невремето да пристигне околу 19 часот. Оттаму, преку југот на Војводина, Западна Србија, Шумадија и Белград бргу ќе се пресели на истокот“,
соопшти српското МВР.
Според предупредувањето, може да се очекуваат краткотрајни, но интензивни врнежи, крупен град, силни грмотевици, но и силен ветар кој може да предизвика значајна материјална штета загрозувајќи ја исто така и безбедноста на луѓето.
Претходно во текот на денот, словенечките медиуми јавија дека во невремето што ја зафатило оваа држава загинало едно лице во туристичкото место Блед. Во Хрватска, поточно во Загреб, пак, досега е познато дека животот го загубиле две лица.
Извор: 360stepeni.mk
