Силно невреме пропратено со дожд, грмежи и ветер денеска попладнево зафати делови на западна Србија.
Обилен дожд наврна во Ужице и околината, поплавени се сообраќајните патишта, приодите до некои згради, а и земјоделските поседи се под вода. Проблеми во Ужице предизвика и Коштичкиот поток кој се излеал по силниот дожд кој паѓаше повеќе од два часа. Причинета е и значителна материјална штета на поплавените објекти.
Жителите на околните села накратко останале и без струја.
Погоден е и Чачак и околината, некои од улици се целосно под вода, а почнале да се излеваат и шахти, јавуваат српските медиуми.
Ветерот за малку ќе ги одвеал и оранжериите во селата околу Чачак, па земјоделците се загрижени за овошките и градинарските култури кои се стасани за берба и во кои инвестирале во текот на годината.
Поплавен е и Прибој, каде раскрсниците се под вода.
Извор: 360stepeni.mk
