Израелскиот премиер Бенјамин Нетанјаху го отфрли повикот бидејќи, како што кажа, Хамас ја започна војната убивајќи невини луѓе пред еден месец, дополнувајќи дека „терористичката организација“ користи цивили како „човечки штит“
Откако синоќа францускиот претседател Емануел Макрон во интервју за Би-би-си рече дека не се согласува оти најдобриот начин за Израел да се заштити себеси е да врши големи бомбардирања врз Газа, велејќи дека тоа создава огорченост во регионот што само ќе го продолжи конфликтот, денеска израелскиот премиер Бенјамин Нетанјаху го отфрли повикот на Макрон за прекин на огнот во Појасот Газа.
За разлика од францускиот претседател, Нетанјаху рече дека Хамас сноси „одговорност за каква било штета нанесена врз цивилите бидејќи тие биле првите кои ја започнаа оваа војна.
„Палестинското исламистичко движење ја започна војната, убивајќи луѓе во Израел на 7 октомври и го обвини дека користи цивили како „човечки штит“,
изјави Нетанјаху.
Вчера, Макрон беше прашан дали очекува другите лидери, вклучително на САД и на Велика Британија, да се приклучат кон неговите повици за прекин на огнот, тој рече дека се надева оти ќе се придружат.
Тој рече дека јасен заклучок на сите влади и агенции кои присуствуваа на самитот за Газа е дека нема друго решение освен хуманитарна пауза и прекин на огнот што ќе овозможи „заштита на сите цивили кои немаат никаква врска со терористите“.
„Денес, де факто цивилите се бомбардирани. Овие бебиња, овие жени, овие стари луѓе се бомбардирани и убиени. За тоа нема легитимитет. Затоа, ние го повикуваме Израел да престане“.
додаде францускиот претседател.
Во интервјуто за Би-би-си, претседателот на Франција рече дека не се согласува оти најдобриот начин за Израел да се заштити себеси е да врши големи бомбардирања врз Газа, велејќи дека тоа создава огорченост и лоши чувства во регионот што само ќе го продолжи конфликтот.
На прашањето дали Израел го прекршил меѓународното право со нападите во Газа, Макрон одби да одговори, велејќи дека не е судија и дека не е негова улога да суди за евентуалното прекршување.
ИЗВОР: 360stepeni.mk
