Дефанзивецот Трент Александар-Арнолд размислува да го напушти Реал Мадрид во летниот преоден рок и да се врати во Ливерпул, тврди „Мирор“.
Англискиот репрезентативец не успеа да се етаблира во „кралскиот“ клуб и сака да се врати во својот роден Ливерпул, кој го напушти пред неколку месеци.
Александар-Арнолд му се придружи на мадридскиот гигант во летото 2025 година за сума од 10 милиони евра, потпишувајќи договор до јуни 2031 година. Оваа сезона тој учествуваше во 14 натпревари за Реал во сите натпреварувања, на кои запиша две асистенции.
Пред трансферот во Шпанија, дефанзивецот играше за првиот тим на Ливерпул од 2016 година, освојувајќи девет трофеи, вклучувајќи ја титулата во Премиер лигата и Лигата на шампионите.
Извор: vecer.mk
