АМАН (АА) – Во Јордан се одржа протест против израелскиот геноцид и нападите на северот на Појасот Газа, јавува Анадолу.
На собирот што се одржа под слоганот „Спаси ја Џабалија“ на покана на Исламскиот работнички фронт присуствуваа голем број граѓани.
Демонстрантите се собраа пред џамијата „Хусајни“ во главниот град Аман, а потоа одржаа мирна прошетка до плоштадот „Нахил“.
Насобраните извикуваа слогани „Нека се срамат оние кои ги нормализираа односите со Израел“, и „Нашиот народ го запалија во шатори, а Арапите потпишуваат мир со нив“.
Граѓаните држеа и антиизраелски транспаренти на кои пишуваше дека мора да им се помогне на Палестинците.
Палестинците во северниот дел на Газа, под опсада на Израел веќе 25 дена, се борат за опстанок.
Прекршувајќи ја резолуцијата на Советот за безбедност на Обединетите нации (СБОН) со која се бара итен прекин на огнот, Израел ја продолжи својата брутална офанзива врз Појасот Газа од октомври минатата година.
Оттогаш, според локалните здравствени власти, повеќе од 43.000 Палестинци, главно жени и деца, се убиени, а повеќе од 101.100 се ранети.
Израел е обвинет за геноцид пред Меѓународниот суд на правдата поради неговите постапки во Газа.
Извор: Anadolu Agency (AA)
