И оваа година двата туристички града Охрид и Струга се соочија со недостиг на работна сила во Угостителството. Единствено решение беше да се донесат работници од странство за да ја поминат летната сезона. Сепак, експертите во оваа област не го гледаат ова како решение. Универзитетскиот професор по туризам, Наум Мариновски, како трајно решение го гледа она што го прават европските земји, а тоа е враќање или вклучување на пензионерите на работа.
Мариновски дава надеж дека на факултетот за угостителство и туризам има голем број студенти заинтересирани за оваа област. Тој вели дека овој интерес би ја ублажил состојбата со недостигот на кадар во оваа област.
Годинава во Охрид и Струга требаше да дојдат околу 1000 работници од странство, но дојдоа само 150 или 200 работници. Другиот дел беше покриен со локални работници, особено млади од средните училишта.
ИЗВОР: ТВ 21
