Универзитетот на Сиднеј прави анализа на 30.000 дебели лица со просечна возраст од 62 години. Ги следи цели 8 години за да утврди дали времето во денот кога се вежба влијае на здравјето.
Дебелите луѓе што вежбале после 18 часот имале 61% понизок ризик од смрт и 36% понизок ризик од развивање срцеви болести отколку оние што воопшто не вежбале.
Наспроти нив, оние кои вежбале наутро виделе само половина од оваа ќар, односно имале 33% понизок ризик од смрт и 17% понизок ризик од развивање срцеви болести во споредба со невежбачите.
„Истражувањето покажува дека тајмингот на физичката активност може да биде важен дел од идните препораки за справување со дебелина и дијабетес, и општо за превентивната здравствена заштита,“ објаснуваат истражувачите.
Физичката активност што се следи не е ограничена само на вежбање, туку опфаќа и активности како одење или чистење по дома. Учесниците се поделени во четири категории во зависност од тоа кога се случува најголемиот дел од нивната активност.
ИЗВОР: off.net.mk
