НБА го објави списокот за натпреварот со „Ѕвездите во подем“.
Дваесет и еден НБА играч, вклучувајќи ги дебитантите Виктор Вембањама и Чет Холмгрен, и седум играчи од „Г лигата“ се на списокот за Ол-стар викендот на 16 февруари во Индијанаполис.
Дебитантите (11) и кошаркарите кои втора година се во лигата (10) ќе бидат поделени во три тима за време на специјалниот драфт во вторник, 6 февруари, а претставниците на Развојната лига ќе го сочинуваат четвртиот тим.
На мини-турнирот ќе настапат четири екипи од по седум играчи.
Тренери кои ќе ги предводат тимови ќе бидат: Пау Гасол, чиј тим победи на минатогодишниот турнир, Тамика Кечингс, Џејлен Роуз и Детлеф Шремпф. (МИА)
Извор: kurir.mk
