Наводно уапсен синот на Ел Чапо – член на еден од најмоќните картели во светот

January 5, 2023
1 min read

Денешното апсење не е прво за синот на Ел Чапо. Во 2019 тој беше приведен од мексиканските власти, но потоа и ослободен за да се спречи насилство и немири од неговите поддржувачи. По него и неговите браќа трагаат и САД кои нудат награда од пет милиони долари за информација што ќе помогне за нивното апсење

Мексиканските власти наводно го уапсиле Овидио Гузман-Лопез, син на озлогласениот мексикански кралот на дрогата Хоакин Гузман – Ел Чапо.

Апсењето се случило во мексиканскиот град Кулијакан во акција што федералните безбедносни сили ја спроведуваат од денеска наутро.

Информацијата првично ја пренесоа дел од локалните медиуми, а потоа и дел од светски етаблираните медиуми, меѓу кои и „Ројтерс“ кој се повикува на потврда од четири официјални лица во Мексико.

Овидио Гузман-Лопез се смета дека е висок член на картелот Синалоа – еден од најголемите што се занимаваат со трговија со дрога во светот.

Во градот каде се спроведува акција од утрово, пренесуваат локалните медиуми, се слушаат истрели и крадење автомобили. Градоначалникот Хуан де Диос Гамез на Твитер потврди дека федералните вооружени сили од зори ја спроведуваат акцијата и оти тоа предизвикало насилство во градот и во други делови на државата.

„Ги замолуваме граѓаните на Кулијакан да не излегуваат од дома поради блокадите што се случија во различни делови од градот“,

наведе Гамез.

Исто така, според медиумските извештаи, привремено е затворен и аеродромот.

Ова не е прво апсење на синот на кралот на дрогата. Гузман-Лопез беше приведуван и во 2019 година, но беше ослободен за да се избегне насилството и немирите со кои се закануваа неговите поддржувачи.

За високата позиција што ја има синот на Ел Чапо во нарко-бизнисот говори и тоа што американскиот Стејт департмент тврди дека тој заедно со неговиот брат, Хоакин, во моментов контролираат приближно 11 лаборатории за метамфетамин во Мексико кои месечно произведуваат од 1 300 до 2 000 килограми.

Во декември 2022, САД објавија и награда до пет милиони долари за информации што ќе доведат до апсење на синовите на Ел Чапо – Овидио и тројца негови браќа, за кои се смета дека ги држат командите во картелот.

Нивниот татко се наоѓа во американски затвор каде отслужува доживотна казна затвор откако во 2019 година беше осуден за трговија со дрога и перење пари.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Местото е „црна точка“, голем број граѓани го загубиле животот: Патниците во несреќата кај Велес за среќа се со полесни повреди

Следно

ИМА СМРТНИ СЛУЧАИ: Романија поради грипот е во состојба на епидемиолошка тревога

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop